“Marrëveshje për të vrarë drejtësinë”, Rama mbështet Yuri Kim: Ferri është bosh, djajtë janë këtu

Kryeministri i Shqipërisë, Edi Rama i është përgjigjur ambasadores së SHBA, Yuri Kim, e cila ngriti dyshime të forta për një marrëveshje pas krahëve mes politikanëve për të “vrarë” siç tha ajo reformën në drejtësi.

Shefi i qeverisë komentoi në postimin e diplomates amerikane në “Twitter”, ndërsa mbështet shqetësimin e saj.

Rama citon një thënie të William Shakespeare, në të cilën thuhet se: “Ferri është bosh dhe gjithë djajtë janë këtu”.

Ai mbështet shqetësimin e ambasadores e cila pohoi se reforma në drejtësi është e dhimbshme, e ngadaltë, por me rëndësi për ecurinë e Shqipërisë.

“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë”, ka deklaruar ambasadorja amerikane në një reagim në Twitter.

Lexoni gjithashtu: 

Marrëveshje të fshehtë për të vrarë reformën në drejtësi? Yuri Kim: Shpresoj të mos jetë e vërtetë

Marrëveshje prapa krahëve? Basha i përgjigjet Kim: Çdo ndryshim ligjor nga ky parlament është i paligjshëm