Kryeministri britanik kërkon falje pas gjobitjes nga policia

Kryeministri britanik, Boris Xhonson ka kërkuar falje pas gjobitjes nga policia për thyerjen e rregullave të COVID, por thotë se nuk do të dorëhiqet.

“Kam paguar gjobën, edhe njëherë kërkoj plotësisht falje”, tha Xhonson citon ‘Sky News’.

I pyetur nëse do të japë dorëheqjen, kryeministri u përgjigj se ‘do të vazhdojë mandatit që ka dhe të përballet me problemet që vendi po kalon’.

Kryeministri britanik u gjobit për një festë me rastin e ditëlindjes në godinën e qeverisë në qershor të 2020.

Boris Xhonson dhe bashkëshortja e tij kanë paguar nga 50 paund secili.

Xhonson është bërë kështu i pari kryeministër britanik që merr gjobë nga policia për shkelje të ligjit.

Opozita laburistë ka bërë thirrje për dorëheqje të tij me argumentin se ka thyer besimin e publikut.