Macaj: Punonjësit e policisë së burgjeve, 90 km rrugë për në punë pa transport

Kreu i sindikatës së shërbimeve policore, Valentin Macaj thotë se punonjësit e policisë në burgje janë të diskriminuar dhe se u duhet të bëjnë rreth 90 km rrugë për të shkuar në vendin e punës.

Për emisionin “Mirëmëngjes” në “Euronews Albania”, ai u shpreh se gjysma e pagës mesatare të një punonjësi, shkon vetëm për transport.

“Punonjësit bëjnë 90 km për të kapur turnin e parë të shërbimit. Gjysma e pagës që marrin, u shkon vetëm për transport. Këtu është diskrinimi”, tha Macaj.

Mbi 80% e stafit punonjës civil dhe policor nuk përfitojnë transport, sipas Macajt dhe në harkun kohor të 10 viteve, mbi 30 punonjës kanë humbur jetën në aksidente rrugore.

Macaj nënvizoi se ka punonjës të cilët tejkalojnë afatet për të marrë gradën e cila iu mundëson rritjen e pagës, për shkak se kanë lidhje politike.

LEXONI GJITHASHTU

• 181 të dënuar përjetë në burgjet e Shqipërisë
• Sa kushton futja e drogës në qelitë e burgjeve?

• 9 zyrtarë dhe ish-zyrtarë të burgjeve mbahen në qeli