“Të lutemi për paqen në botë”, besimtarët kujtojnë kryqëzimin e Jezu Krishtit

Lutja kryesore e besimtarëve katolikë në meshën kushtuar të Premtes së Madhe ishte për paqen në botë.

Nesër festohet Pashka Katolike. Papa Françesku kryesoi shërbesën i ulur në një karrike të bardhë.

“Përballë vdekjes, heshtja është fjala e duhur. Le të ndalemi të gjithë në një lutje të heshtur dhe të lutemi në zemrat e tij për paqen në botë”, u shpreh Papa.

Edhe në këtë javë të veçantë, vëmendjen e mori lufta në Ukrainë.

Me mijëra besimtarë të mbledhur në sheh më pas heshtën për aq kohë sa do të duhej për të lexuar meditimin origjinal, i cili u reduktua vetëm në dy fjalitë e Papës.

Në lutjen e tij të fundit, ai i kërkoi Perëndisë që të lejojë  që “kundërshtarët të shtrëngojnë duart që të shijojnë faljen reciproke, të çarmatosin dorën e ngritur nga një vëlla kundër një vëllai, në mënyrë që të ketë pajtim”.

Shërbimi i së Premtes së Mirë është një nga të paktat ngjarje ku Papa nuk mban një predikim, duke ia lënë mundësinë predikuesit të familjes papale.

Të shtunën në mbrëmje Papa Françesku do të udhëheqë meshën e Vigjiljes së Pashkëve në bazilikë. Të dielën, ditën më të rëndësishme në kalendarin liturgjik të krishterë, ai do të zhvillojë meshën në sheshin e Shën Pjetrit dhe më pas do të japë mesazhin “Urbi et Orbi” (për qytetin dhe botën).

LEXONI GJITHASHTU:

• Papa Françesku thirrje Kievit e Moskës për armëpushim gjatë Pashkëve