9 raste të reja me COVID-19, rreth 80 për qind e të prekurve janë shëruar

Gjatë 24 orëve të fundit në vendin tonë janë identifikuar 9 raste të reja me COVID-19 në 146 teste të kryera. Shpërndarja e gjeografike e rasteve të reja është 5 në Tiranë, 3 në Durrës dhe 1 në Shkodër. 6 persona janë shëruar në 24 orët e fundit.

Në komunikimin e përditshëm me publiku, dr. Marjeta Dervishi nga Instituti i Shëndetit Publik bëri me dije se pas më shumë se 3 javësh pa humbje jete nga COVID19, gjatë mbrëmjes së kaluar ka ndërruar jetë një 64-vjeçare nga Tirana, e cila vuante nga limfoma e trurit.

Që nga fillimi i epidemisë, 32 qytetarë e kanë humbur betejën me COVID19.

“Pavarësisht se ka pasur pacientë që kanë lënë spitalin infektiv të shëruar, aktualisht po trajtohen 15 pacientë, ndërsa 4 prej tyre janë në terapi intensive.

Gjatë 24 orëve të fundit janë testuar 146 qytetarë si të dyshuar të prekur me COVID-19 dhe janë konfirmuar pozitivë 9 raste.

Shpërndarja gjeografike e rasteve është si vijon: 5 raste në Tiranë, 3 në Durrës dhe 1 në Shkodër. Të shëruar janë 6 qytetarë.

Nga fillimi i epidemisë janë kryer mbi 14 mijë testime molekulare dhe serologjike.

Deri më sot janë konfirmuar pozitivë me COVID-19 në të gjithë vendin 998 qytetarë. Prej tyre, rreth 79% janë të shëruar.

Në vendin tonë aktualisht janë 177 persona aktivë me COVID19, kryesisht në Tiranë, Durrës Krujë, Shkodër”, tha ajo

COVID-19 – Statistika (24 Maj 2020)

Testime totale                         14605

Testime molekulare                            13279

Testime serologjike                             1326

Raste pozitive                        998

Raste të shëruara                     789

Raste Aktive                            177

Humbje jete                                     32 (Qarku Tiranë 19, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë            60

Durrës           53

Krujë              27

Shkodër         11

Berat              10