Parashikimi i motit për javën

Java ka nisur e vrenjtur dhe kështu do të vijojë. Shirat do jenë të pakta.

Meteorologia e Meteoalb Lajda Porja parashikoi motin për javën në Euronews Albania dhe u shpreh se temperaturat kanë ndryshuar.

Javën e kaluar u duk sikur pranvera erdhi me temperatura që shënuan deri në 26 gradë Celcius. E hëna ka nisur me temperatura jo më të larta se 17 gradë, ndërsa nga e marta sjell një rënie të tyre.

“Megjithatë, ky freskim i motit është i përkohshëm. Duke filluar që nga dita e mërkurë dhe deri në fundjavë, sidomos e premtja, e shtuna dhe e diela do të rikthejnë temperaturat 25 gradë dhe tipike të pranverës,” – u shpreh Porja.

Sipas saj nuk pritej që Prilli të ishte me ditë me diell. Pjesa e dytë e prillit do të ketë shi, por sidoqoftë moti do të përmirësohet ndjeshëm.

“Ditët kryesisht me diell vijnë pas 10 majit,” – tregoi meteorologia.

LEXONI GJITHASHTU:

• Përmirësohet moti këtë javë, temperatura deri në 25 gradë