Arrestohet 20-vjeçari që vodhi postën në Kamzë, në kërkim bashkpunëtori

Filiali i Postës Shqiptare në Kamzë është grabitur mesditën e së hënës rreth orës 14:20.

Policia bëri me dije paraprakisht se një person i maskuar me kapuç është futur brenda filialit ku ka marrë një shumë parash nën kërcënimin e armës dhe më pas është larguar.

Komisariati nr. 5 zbuloi se bëhet fjalë për dy persona. Njëri nga autorët e dyshuar u arrestua të martën, ndërsa bashkëpunëtori u shpall në kërkim.

“Në cilësinë e provës materiale janë sekuestruar një aparat celular dhe veshje, të cilat autorët dyshohet se i kanë përdorur gjatë kryerjes së krimit,” – thuhej në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

LEXONI GJITHASHTU:

• Grabitet filiali i Postës Shqiptare në Kamzë