‘Po zhbëhet procedura’, Balliu hedh dyshime për zgjedhjen e Presidentit nga PS

Anëtari i Komisionit të Rithemelimit, Klevis Balliu e sheh si të dyshimtë mënyrën dhe procedurën e ndjekur nga Partia Socialiste për zgjedhjen e presidentit të ri.

Në emisionin “Sot” në “Euronews Albania”, Balliu tha se votimi i tre emrave të propozuara nga secili deputet në Grupin Parlamentar socialist dhe mosbërja publike e tyre, tregon se PS-ja ka vendosur ta zhbëjë procedurën.

“Partia Socialiste ka vendosur që ta zhbëjë procedurën. Votojnë tre emra por nuk e tregojnë se kë kanë propozuar. Kalojnë te një komision ku e drejton Taulant Balla dhe Elisa Spiropali. Do pyesin edhe popullin me e-mail, po ku e dimë ne se çfarë do t’i shkruajnë Taulantit?”, u shpreh Balliu.

Sipas tij, Partia Socialiste është vënë në lëvizje për të gjetur presidentin e ri, që në momentin kur kërkoi shkarkimin e kreut aktual të shtetit, Ilir Meta.

Balliu nënvizoi se Partia Demokratike do të ketë propozimet e saj dhe do t’i dërgojë në parlament siç i kërkon procedura.

LEXONI GJITHASHTU

• Rama: I hapur për ndryshimin e Kushtetutës për zgjedhjen e Presidentit
• Grupi i PD vendos sot për Presidentin e ri, thotë Alibeaj