Vokshi: 8 gra të zgjedhura si kryetare dege, votuan afro 40 mijë anëtarë

Deputetja Albana Vokshi deklaroi se 8 gra janë zgjedhur kryetare në degët e Partisë Demokratike.

“Në total kanë qenë 192 kandidatë nga këto 27 zonja kandidate për kryetare të degëve.  Për herë të parë janë zgjedhur 8 zonja kryetare, në një nivel prej 11%.  Në Partinë Demokratike pushteti ka kaluar nga kryetarët tek anëtarësia”, u shpreh Vokshi gjatë një bashkëbisedimi me gazetarët.

Ajo nënvizoi se janë për t’u zhvilluar zgjedhjet në 2 degë, ndërkohë që ka përfunduar procesi zgjedhor në 70 degë në të gjithë Shqipërinë.

“39512 anëtarë kanë ushtruar të drejtën e votës. Janë dy degë për t’u zhvilluar zgjedhjet, Malësia e madhe dhe Dega 12. Shifra në total do të jetë mbi 40 mijë anëtarë. Ka pasur 108 qendra votimi në të gjithë vendin”, u shpreh ajo.

Deputetja nënvizoi se interesi ka qenë shumë i lartë nga ana e demokratëve për të marrë pjesë në këto zgjedhje.

“Qendrat e votimit, ka nisur votimi që herët dhe në të gjitha degët është kërkuar shtyrje e orarit për shkak të interesit të lartë për të votuar”, u shpreh Vokshi.

LEXONI GJITHASHTU:

• Berisha: 22 maji propozohet datë për zgjedhjen e kreut të ri të PD
• Berisha: Ndërhyrja e Kim personale, do informoj autoritetet e SHBA