Trafikonin makina luksoze të vjedhura në BE, hetohen 3 persona

Policia ka nisur hetimin ndaj tre personave dhe ka shpallur në kërkim një të katërt me akuzën se trafikonin mjete luksoze nga vendet e Bashkimit Evropian dhe i shisnin në Shqipëri.

Tre shtetasit nga Tirana të cilët janë vënë nën hetim dhe një shtetas i Maqedonisë së Veriut i shpallur në kërkim akuzohen për trafikim të mjeteve motorike.

Në cilësinë e provës materiale janë sekuestruar 4 automjete të trafikuara, të dyshuara të vjedhura në vendet e BE-së.

Policia thotë se nga hetimet ka rezultuar se këto automjete u janë nënshtruar ndërhyrjeve dhe modifikimeve në numrat e shasisë apo paketat elektronike dhe më pas janë tregtuar te persona të ndryshëm.

LEXONI GJITHASHTU:

• Arrestohen 5 personat që ndihmuan autorët e plagosjes në Pogradec
• Qarkullonin dollarë të falsifikuar, arrestohen dy të rinj në Tiranë