18 mijë forca të NATO-s, stërvitje të përbashkët në Poloni

Forcat ushtarake të Polonisë thonë se kanë nisur një stërvitje të përbashkët ushtarake të shtunën, ku do të jenë të përfshira 18 mijë forca të NATO-s.

Stërvitja do të ketë ushtrime të rregullta të cilat do synojnë përmirësimin e sigurisë së krahut lindor të aleancës dhe vjen në një kohë kur Rusia ka nisur pushtimin e Ukrainës.

Për shkak të këtyre rrethanave, ushtria e Polonisë i bëri thirrje publikut që të mos publikojë informacione ose foto automjeteve ushtarake që priten të lëvizin nëpër vend në javët e ardhshme.

Njoftimi paralajmëron se vendime të tilla mund të dëmtojnë sigurinë e aleancës.

“Le të jemi të kujdesshëm për rreziqet!”, thuhet në deklaratën e ushtrisë polake.

Në stërvitjen e përbashkët ‘Defender Europe 2022’, do të marrin pjesë mbi 20 vende.

Stërvitja është planifikuar të vazhdojë nga data 1 deri më 27 maj.