Pse është Mariupoli kaq i rëndësishëm për Rusinë

Forcat ruse raportohet se kanë hyrë në fabrikën e çelikut Azovstal, streha e fundit e forcave ukrainase në qytetin port jugor të Mariupol.

Rusia e ka rrethuar dhe bombarduar qytetin për javë të tëra. Ka disa arsye pse Mariupol është një qytet kyç për fushatën ushtarake të Moskës në Ukrainë, sipas BBC.

Ura tokësore: Kontrolli i qytetit u jep rusëve një urë tokësore nga Rusia, përmes pjesëve të rajonit të Donbasit të mbajtura nga separatistët e mbështetur nga Rusia, deri në Krime, të cilën Rusia e aneksoi në 2014.

Goditja e ekonomisë së Ukrainës: Mariupol ka qenë prej kohësh një port i rëndësishëm strategjik në Detin Azov, pjesë e Detit të Zi. Në kohë normale, qyteti është një qendër kryesore eksporti për çelikun, qymyrin dhe misrin e Ukrainës. Humbja e tij është një goditje e madhe për ekonominë e Ukrainës.

Propaganda ruse: Mes mbrojtësve të Mariupolit janë Brigada Azov, e cila ka lidhje me ekstremistët e djathtë, historikisht duke përfshirë neo-nazistët. Ata përbëjnë vetëm pjesën më të vogël të forcave luftarake të Ukrainës, por prania e tyre shpesh përdoret si pretekst për pretendimin e Rusisë për të çliruar Ukrainën nga nazistët.

Liron rrugë për forcat ruse: Një fund i betejës së zgjatur për qytetin do të lironte më shumë trupa ruse për shtytjen e saj për të marrë kontrollin e pjesëve të mbetura të Donbasit në Ukrainën lindore, të përbërë nga Luhansk dhe Donetsk.

LEXONI GJITHASHTU:

Zelenski thirrje OKB-së për të shpëtuar ukrainasit e bllokuar në Mariupol

Zelenski kërkon armëpushim për evakuimet në Mariupol