Video | Aksidenti tek “Rruga e Kavajës”, Euronews Albania siguron pamjet

Një aksident ndodhi mesditën e së dielës në “Rrugën e Kavajës”, ku një automjet përplasi një çift me foshnjën e tyre 3-muajsh teksa po kalonin në vijat e bardha.

Euronews Albania ka siguruar videon e momentit të aksidentit ku nga pamjet shihet se drejtuesi i automjetit, 39-vjeçari Ajas Sulejmani nuk ka ndaluar në momentin kur semafori ishte i kuq dhe ata po kalonin rrugën.

Për pasojë, ai ka goditur çiftin dhe foshnjën që gjendej në karrocë, teksa automjeti përfundoi në trotuar.

Sulejmani u largua menjëherë nga vendngjarja, por shërbimet e policisë bënë të mundur lokalizimin e tij në një spital privat dhe më pas arrestimin e tij.

Sipas informacioneve të policisë, 39-vjeçari është shoqëruar tre javë më parë në ambientet e Komisariatit Rajonal të Policisë Rrugore Tiranë, po me të njëjtin automjet që shkaktoi aksidentin e sotëm dhe është proceduar për shkeljen e dispozitave të Kodit Rrugor.

Gjithashtu, Sulejmani është ndëshkuar 8 herë nga efektivet e Komisariatit Rajonal të Policisë Rrugore Tiranë, nga të cilat disa herë për shkelje të sinjalizimit rrugor, shkelje semafori dhe mospërdorim të rripit të sigurimit.

LEXONI GJITHASHTU

• Aksidentoi çiftin me foshnjën, 39-vjeçari u shoqërua në polici 3 javë më parë
• Përplasi çiftin me foshnjën, kapet shoferi i makinës luksoze