Ibsen Elezi regjistrohet në garën për kreun e PD-së

Ish-kryeministri Sali Berisha nuk do të jetë kandidati i vetëm për kryetar të Partisë Demokratike. Në garë kundër tij do të jetë ish-kreu i PD-së në Kukës, Ibsen Elezi.

Elezi ka depozituar dokumentet pranë Komisionit Operacional zgjedhor të PD-së, ditën e djeshme në orën 11:30.

Ndërsa, Berisha e ka dorëzuar pasditen e së premtes kërkesën zyrtare për të marrë pjesë në garën e 22 majit.

Ibsen Elezi kandidoi edhe në zgjedhjet për kreun e PD-së në qershor të viti 2021, por kandidatura e tij u skualifikua nga gara me vendim Kryesie.

Elezi u skualifikua nga gara për shkak se me komentet e tij ai ka tentuar që të denigrojë dhe të dëmtojë Partinë Demokratike.

LEXONI GJITHASHTU

• Edvin Kulluri tërhiqet nga gara për kryetar të PD-së
• Berisha: Nuk do shpik rival në garën për kryetar të PD-së