Inflacioni në prill arriti 6,2%, niveli më i lartë që nga viti 2001

Faturat për transport dhe ushqime vazhduan të shtrenjtohen edhe në prill, duke e çuar inflacionin në 6.2%, sipas INSTAT.

Kjo është rritja më e madhe e çmimeve, që nga viti 2001, rritje e cila do shoqërojë familjet shqiptare edhe në fillim të vitit 2023.

Çmimet e mallrave janë rritur shume gjate muajit prill, ku inflacioni u regjistrua 6.2%. Ky është shtrenjtimi më i madh në treg, që nga viti 2001, duke kaluar edhe marsin.

Transporti dhe ushqimet janë grupet që kanë pësuar rritjen më të madhe. Nafta, gazi e benzina, edhe pse me çmim të kontrolluar nga qeveria, janë shitur 22% më shumë se vjet. Edhe ushqimet bazike kanë vënë në vështirësi familjet, që kanë shpenzuar më disa herë më shumë për konsum.

Edhe grupet e tjera kanë pësuar një rritje zinxhir për shkak të shtrenjtimit të kostove bazë të prodhimit. Rritja është parë në kafene, hotele, por edhe në vendet e argëtimit, kinema. teatro e muze.

Sektorët që kanë regjistruar rritje më të vogël të çmimeve janë shëndetësia dhe komunikimi.

Të gjitha parashikimet nxjerrin një inflacion të lartë këtë vit, i cili pritet të bëhet i qëndrueshëm pas mesit të vitit 2023.

LEXONI GJITHASHTU:

• Inflacioni më i larti në 2 dekada, çmimet e mallrave rriten me 5.7%
• Inflacioni vjetor pritet të shkojë në 4,5%, parashikon ministrja e Ekonomisë