Ballkani Perëndimor të anëtarësohet me dy faza në BE, sipas ekspertit

Vendet e Ballkanit Perëndimor duhet t’i bashkohen Bashkimit Europian në fillim duke hyrë në një treg të përbashkët ekonomik dhe më pas të anëtarësohen totalisht.

Kjo tezë është artikuluar nga Gerald Knaus, President i Iniciativës Europiane për Stabilitet në një intervistë të kryer nga gazetarja Ilva Tare për Këshillin Atlantik.

“Le të firmoset një traktar i ri i Romës për të rikrijuar një komunitet ekonomik europian me të gjitha demokracitë që plotësojnë kriterin e të drejtave të njeriut dhe plotësojnë kushtet për t’u bashkuar një tregu të përbashkët dhe më pas të integrohen plotësisht me mbështetjen e Komisionit Europian. Është realiste, transformuese, do të jetë historike dhe është e mundur”, u shpreh ai.

Gerard Knaus tha se bashkëpunimi rajonal apo Ballkani i Hapur mes dy vendeve janë iniciativa të mira por asnjëra prej tyre nuk zëvendësohet me integrimin në një treg të përbashkët në gjithë europën.

LEXONI GJITHASHTU

• Sholc: Do ta mbajmë premtimin për hapjen e negociatave të rajonit me BE
• Kryenegociatori Mazi: Shqipëria të përmbushë detyrat për çeljen e negociatave