Borrell darkë informale me liderët e Ballkanit Perëndimor

Përfaqësuesi i Lartë i Bashkimit Evropian për Politikë të Jashtme dhe Sigurinë, Josep Borrell ka ftuar të mërkurën liderët e Ballkanit Perëndimor për një darkë informale.

Para takimit ku merr pjesë dhe kryeministri i Shqipërisë, Edi Rama, Borrell mbajti një fjalim ku shprehur rëndësinë e rajonit në politikat e jashtme të BE-së.

Borrell tha se BE dhe Ballkani Perëndimor do të përballen së bashku me “veprimet përçarëse të Rusisë drejtpërdrejt në rajon përmes dezinformimit dhe sulmeve kibernetike”.

Përfaqësuesi i Lartë i BE theksoi se “Ballkanin Perëndimor mbetet prioriteti ynë strategjik”.

“Lufta e fundit në Evropë ishte në Ballkan, tani është në Ukrainë dhe sot do të jetë një rast i mirë për të diskutuar mbi ndikimin global dhe rajonal të kësaj lufte të Putinit, një luftë ilegale kundër popullit ukrainas dhe kundër rendit ndërkombëtar të bazuar në rregulla”, tha Borrell.