Mesazhet në muret e Tiranës kundër dhunës seksuale: Ti ke motra, nuk je vetëm!

Historia e dhunimit seksual të minorenes 15-vjeçare nga roja i shkollës, ka shkaktuar tronditje të opinionit publik. Por, përtej rasti më të fundit, viktima të dhënës seksuale në vendin tonë janë me dhjetëra gra dhe vajza.

Në muret e qytetit të Tiranës janë shkruar mesazhe denoncimi mbi dhunën seksuale dhe sistematike që  vajzat dhe gratë përjetojmë në Shqipëri.

Përveç dhunuesve që janë fajtorë të drejtpërdrejtë, krim i disafishtë u bëhet nga braktisja e instancave shtetërore, ekspozimi dhe denigrimi mediatik, si dhe në tërësi nënshtrimi i një shoqërie patriarkale që përballë dhunës vendos gjithmonë të hesht.

Në mesazhet e grupeve feministë, bëhet thirrje për solidaritet dhe bashkim në mënyrë që raste të tilla të mos përsëriten më ndaj askujt dhe vajzat dhe gratë të trajtohen me dinjitet dhe të respektohen në mënyrë të barabartë.

“Derisa të mos druhemi të dallojmë dhunuesin dhe krimin, derisa drejtësia të vihet në vend dhe derisa të kemi një shoqëri më të mirë për vajzat dhe gratë! Deri atëherë dhe gjithmonë, bashkë e të zëshme! Heshtja nuk na mbron”, është apeli i grupi të njohur si “Kolektivi Feminist”.