Rajoni separatist në Gjeorgji do të mbajë referendum për bashkimin me Rusinë

Udhëheqësi i rajonit separatist të Osetisë Jugore, Anatoli Bibilov ka deklaruar se do të mbajë një referendum ku qytetarët do të pyeten nëse duan të bëhen apo jo pjesë e Rusisë.

Bibilov tha se kjo ishte “aspirata historike” e popullit të tij për t’u bashkuar me Rusinë. Referendumi do të bëhet më 17 korrik, raporton Sky News.

Moska e njohu Osetinë e Jugut dhe rajonin bregdetar të Abkhazisë si të pavarur pas një lufte me Gjeorgjinë në vitin 2008.

Ajo ka ofruar mbështetje të gjerë financiare, shtetësinë ruse për popullsinë e tyre dhe vendosjen e mijëra trupave atje.

LEXONI GJITHASHTU

• Rusia: Do të përgjigjemi nëse NATO-ja vendos forcat bërthamore afër kufirit
• Lufta Ukrainë-Rusi, Lavrov: BE-ja është aktor agresiv