Kurti nderohet me Medaljen e Shërbimit në SHBA

Gjatë vizitës zyrtare në Shtetet e Bashkuara të Amerikës, kryeministri i Kosovës, Albin Kurti është nderuar nga Senati i Iouas.

Në një ceremoni të organizuar atje, Kurti u dekorua me medaljen e Shërbimit të Jashtëm të Shquar të Iouas, raporton KosovaPress.

Nga senatori Zach Nunn, ai pranoi medaljen me këtë motivacion:

Me kërkesë të senatorit nga Qarku Polk, Zach Nunn, Senati njeh dhe dekoron Kryeministrin Albin Kurti, me medaljen e Shërbimit të Jashtëm të Shquar të Iouas. Kjo dekoratë, e projektuar nga senatori Zach Nunn, është një kryq maltez për  qëndrueshmërinë e karakterit, e zbukuruar me stemën e shtetit të Iouas dhe e shënjuar me pikën referuese të Iouas, Kapitolin, që simbolizon përkushtimin ndaj shërbimit.

Albin Kurti në moshën 22-vjeçare udhëhoqi rezistencën kundër regjimit të Millosheviçit.

Kur filloi lufta në Kosovë, Kurti u angazhua për integritetin territorial me NATO-n, për t’iu rezistuar sulmeve të Serbisë, si dhe ndihmoi shpëtimin e shumë familjeve shqiptare brenda Kosovës.

Në shkurt 2020, Albin Kurti u zgjodh kryeministër i Kosovës dhe vazhdoi partneritetin me udhëheqësit e biznesit, të industrisë dhe të bujqësisë në Ioua.

LEXONI GJITHASHTU:

• Opozita në Kosovë i kërkon sqarime Kurtit për takimin me Vuçiçin
• Kryeministri Albin Kurti nis vizitën në SHBA