Zelenski bën thirrje për njohjen zyrtare të Rusisë si ‘shtet terrorist’

Presidenti ukrainas Volodimir Zelenski u takua me senatorët amerikanë të shtunën dhe bëri thirrje që Rusia të njihet zyrtarisht si një “shtet terrorist”.

“Kam zhvilluar bisedime sot me një delegacion senatorësh amerikanë të kryesuar nga udhëheqësi i pakicës republikane në Senat, Mitchell Mcconnell në Kiev,” tha ai.

“Unë besoj se kjo vizitë tregon edhe një herë forcën e mbështetjes dypartiake për shtetin tonë, forcën e lidhjeve midis kombeve ukrainase dhe amerikane,” shtoi presidenti ukrainas.

Diskutimet për mbështetjen e SHBA-së për Ukrainën dhe shtrëngimin e sanksioneve ndaj Rusisë u zhvilluan gjithashtu gjatë takimit, sipas Zelenskit.

LEXONI GJITHASHTU:

• Ukraina thotë se rusët po shtojnë sulmet në lindje, por po tërhiqen në veri