Stoltenberg: Së shpejti vendimi për anëtarësimin e Finlandës dhe Suedisë

Sekretari i Përgjithshëm i NATO-s, Jens Stoltenberg deklaroi se anëtarët e NATO-s do të marrin një vendim të shpejtë për mirëpritjen e Finlandës dhe Suedisë në aleancën e tyre.

Turqia ka kërcënuar se do vendosë veto ndaj aplikimeve të tyre, duke i akuzuar dy vendet nordike për strehimin e militantëve kurdë, të cilët i konsideron si terroristë, raporton BBC.

Në fjalimin e tij në Danimarkë, ai tha se aleanca është në kontakt me Finlandën, Suedinë, Turqinë dhe po trajton shqetësimet e Turqisë.

Sipas Erdogan, nuk është e pazakontë të ketë dallime mendimesh në NATO dhe se aleanca ka përvojë në gjetjen e zgjidhjeve.

Shefi i NATO-s beson se Ukraina mund ta fitojë luftën, duke shtuar se Rusia nuk ka mundur të marrë Kievin.

Ai u shpreh se forcat ruse janë detyruar të largohen nga Kharkiv dhe zonat përreth, teksa ofensiva në Donbas ka ngecur.

“Ne nuk besojmë se Rusia ka hequr dorë nga qëllimet e saj strategjike, kështu që ne duhet të përgatitemi për një afat të gjatë”, tha Stoltenberg.

LEXONI GJITHASHTU:

• Kushti që Finlanda i vendos NATO-s për armët bërthamore
• Finlanda dhe Suedia dorëzojnë aplikimet për anëtarësim në NATO
• Turqia frenon vrullin e Suedisë dhe Finlandës në NATO: Nuk mund t’i pranojmë