Familja Mbretërore Britanike strehon refugjatët ukrainas

Familja mbretërore Britanike ka ofruar strehim për refugjatët ukrainas, sipas zëdhënësit të Pallatit Mbretëror.

Anëtarët e familjes ishin zotuar të “bënin punën e tyre”, por “nuk kishin dëshirë” për publicitet, raporton Daily Express.

53,800 refugjatë ukrainas kanë mbërritur në Mbretërinë e Bashkuar me anë të skemave të vizave të krijuara posaçërisht për ta, duke përfshirë programin ‘Homes for Ukraine’, e cili përbën më shumë se gjysmën e numrit të vizave të dhëna.

Një zëdhënës i Pallatit të Buckingham tha për Express: “Ne po i ndihmojmë në disa mënyra, por nuk do të komentojmë më tej”.

Kontributi i familjes mbretërore për të ndihmuar refugjatët ukrainas vjen pas një sërë donacionesh me një shumë prej 300 milionë paund për ukrainasit.

Mbretëresha e ka bërë të qartë mbështetjen e saj për Ukrainën edhe në mënyra të tjera duke veshur të verdhën dhe blunë ukrainase, duke porositur aranzhime me lule në ngjyrat e vendit në Kështjellën Windsor.

Një burim i lartë mretëror ka thënë se “Këto gjëra nuk priren të ndodhin rastësisht”.

LEXONI GJITHASHTU:

• Zelensky publikon videon ku ndërtesa në Ukrainë shkatërrohet nga raketa ruse
• Rusia shpall fitoren në Mariupol
• Putin bën thirrje për mbrojtjen e Rusisë nga sulmet kibernetike