‘Kurrë s’jam ndjerë kaq i turpëruar’, dorëhiqet diplomati i lartë rus

Këshilltari i Rusisë në OKB ka dhënë dorëheqjen për shkak të luftimeve ’të përgjakshme, të pamenduara dhe absolutisht të panevojshme’ në Ukrainë, duke e bërë atë diplomatin më të lartë të vendit që ka dezertuar për shkak të luftës, raporton BBC.

Në një letër dorëheqjeje, Boris Bondarev tha se kishte parë ‘kthesa të ndryshme’ të politikës së jashtme të vendit të tij gjatë karrierës së tij 20-vjeçare ‘por kurrë nuk kam pasur aq turp për vendin tim sa më 24 shkurt, kur Rusia nisi sulmin e saj’.

Duke e quajtur katastrofik nivelin e gënjeshtrave dhe joprofesionalizmit në Ministrinë e Jashtme të Rusisë, ai tha se lufta e Vladimir Putin ishte ‘jo vetëm një krim kundër popullit ukrainas, por gjithashtu, ndoshta, krimi më i rëndë kundër popullit të Rusisë’.

Në mars, Anatoly Chubais u bë zyrtari më i shquar i Kremlinit që dha dorëheqjen për shkak të luftës. Chubais, i cili ishte i dërguari special i Putinit për marrëdhëniet me organizatat ndërkombëtare për zhvillimin e qëndrueshëm, jo vetëm që u largua nga posti i tij, por edhe Rusia.

LEXONI GJITHASHTU:

• Rusia planifikon prodhimin e 50 raketave të reja ndërkontinentale
• Mbretëria e Bashkuar: Rusia po humbet trupa si në luftën e Afganistanit