Zelenski thotë se do takohet me Putin për t’i dhënë fund luftës

Presidenti ukrainas Volodimir Zelenski tha se Vladimir Putin ishte i vetmi zyrtar rus me të cilin ishte i gatshëm të takohej për të diskutuar për ndalimin e luftës.

Zelenski duke iu drejtuar me një fjalim Forumit Ekonomik Botëror në Davos të hënën, u shpreh se organizimi i çdo bisedimi me Rusinë po bëhej më i vështirë, raporton Reuters.

Rusia mohon të ketë shënjestruar civilët në atë që e quan një “operacion special”, por Zelenski tha se se zbulimi i vrasjeve masive në zonat e pushtuara nga trupat ruse më herët gjatë luftës, veçanërisht jashtë Kievit, e bëri më të vështirë organizimin e bisedimeve.

Ai tha se lufta erdhi me një çmim të madh njerëzor për ukrainasit.

Sipas Zelenskit, forcat ukrainase ia kishin dalë të zmbrapsin ato ruse, veçanërisht pranë qytetit të dytë të Kharkiv, por situata më e përgjakshme mbetet në Donbas.

LEXONI GJITHASHTU

• Zelenski kërkon sanksione maksimale ndaj Rusisë
• Zelenski akuzon Rusinë për bllokimin e 22 milionë tonë ushqimeve