Maturantët kanë një mundësi të dytë për të hyrë në Universitet

Për 8 mijë maturantët që nuk kanë arritur të regjistohen në fazën e parë, ka një mundësi të dytë për të hyrë në Universitet. Nga data 30 shtator deri më 9 tetor do të kryhen regjistrimet e raundit të dytë, të cilat do të jenë të ndara në 5 faza.

Ky raund do të jetë më i vështirë për maturantët që duan të hyjnë në profilet e shumëkërkuara. Një rezultat i tillë vjen si pasojë e numrit të ulët të kuotave të lira që kanë shumica e këtyre degëve.

Një pjesë e programeve, kryesisht ato të edukimit, sidomos në rrethe, duket se do të mbeten pa studentë. Shkak për këtë është bërë rritja e notës minimale për këto degë nga 7 në 7.5.

Universitetet mund të vendosin t’i rigrupojnë programet ose studentët të transferohen në degë të tjera brenda fakultetit. Sipas tabelës që ka miratuar Rrjeti Akademik Shqiptar, nëse do të ketë ende kuota të mbetura bosh, ato do të plotësohen në një fazë të tretë.

Kjo fazë do të zhvillohet në datat 21-26 tetor.