Drejtori i Aviacionit Civil tregon masat për finalen e Ligës së Konferencës

Të martën, një ditë para ndeshjes finale të Ligës së Konferencës, aeroporti i Tiranës do të ofrojë dy herë e gjysmë më shumë kapacitet se në kushtet normale.

Kështu bëri me dije Drejtori ekzekutiv i Aviacionit Civil, Maksim Et’hemaj në një deklaratë për mediat nga aeroporti i Rinasit.

Ai tha se përgatitjet kanë nisur në mars, e janë finalizuar pasi u njohën me skuadrat finaliste.

“Do të ketë shumë ngarkesë për trafikun ajror, policinë, aeroportin”, tha ai.

Maksim Et’hemaj theksoi se për të menaxhuar situatën janë siguruar dy grupe operacionale, ku njëri do të merret me sigurinë dhe lëvizjen në qytet drejtuar nga Policia e Tiranës, ndërsa tjetri është vendosur te Alb Control ku do të merret me pritjen e pasagjerëve.

Ndeshja do të mbahet më 25 maj në stadiumin “Air Albania” në Tiranë.

LEXONI GJITHASHTU:

• Rreth 100 tifozë të zjarrtë mbërrijnë në Durrës për ‘Conference League’