Një tjetër alarm fals për bombë në Kosovë

Një tjetër kërcënim për bombë është njoftuar në Kosovë të martën, i treti në radhë brenda pak ditëve.

Alarmi fals sipas ekspertëve duhet marrë seriozisht.

Kërcënime të njëjta kanë ndodhur edhe me 17 dhe 18 maj ku cak ishin edhe atëherë rektorati i universitetit te Prishtinës dhe gjimnazi ‘Xhevdet Doda’.

Këto kërcënime sipas ekspertit te sigurisë Nuredin Ibishi, duhet të merren seriozisht sepse mjafton një rast real për të pasur pasoja të paparashikueshme.

Ibishi thotë se sipas disa analizave, sidomos në vendet e rajonit, këto kërcënime, që hyjnë në kuadrin e krimeve kibernetike, vijnë nga adoleshent.

Megjithatë, ai shton se këto raste duhet trajtuar me seriozitet dhe bashkëpunim rajonal e ndërkombëtar, pasi jo rrallë kërcënimet vijnë nga vende të tjera, dhe jo nga brenda.

Kur jemi te bashkëpunimi ndërkombëtar, Ibishi thotë se Kosova ka pengesa për faktin se nuk është pjesë e Europolit dhe Interpolit.

Ndërsa sa i përket kërcënimeve të brendshme, sipas ekspertit Ibishi, policia e Kosovës është treguar e suksesshme dhe ka kapacitete e strategji te mirë.

LEXONI GJITHASHTU:

• Pazar me diplomat në Kosovë, sipas Koalicionit për Transparencë e Integritet
• Kurti-Abazoviç diskutojnë fuqizimin e marrëdhënieve mes Kosovës e Malit të Zi