Alibeaj nuk kishte shumicën e deputetëve në mbledhjen e djeshme, thotë Berisha

Kryetari i Partisë Demokratike, Sali Berisha thotë se në mbledhjen e djeshme të thirrur nga Enkelejd Alibeaj, ishin edhe katër deputetë të cilët nuk i përkisnin Grupit Parlamentar.

Në një deklaratë për mediat nga selia blu, Berisha u shpreh se që mbledhja të kishte kuorum duhet të ishin prezentë 27 deputetë.

“Çfarë bëri Alibeaj dje? Tha në mbledhje kam 21 deputetë, kam kuorum këtu. Dje në mbledhje ishin katër deputetë që nuk i përkisin Grupit Parlamentar të Partisë Demokratike. Partia Demokratike, sipas rregullores së parlamentit, ia ka dhënë grupeve të tjera, një praktikë kjo standarde. Pra, për të patur kuorum mbledhja e tij, duhet të kishte të paktën 27 deputetë”, tha ish-kryeministri.

Sipas Berishës, Alibeaj po keqpërdoret nga kryeministri Edi Rama dhe sillet si vegël e tij.

LEXONI GJITHASHTU

• Berisha dhe Alibeaj zhvillojnë mbledhje paralele në selinë e PD
• Raundi për presidentin më 30 maj, asnjë dakordësi mes mazhorancës dhe opozitës