Policia jep detaje nga operacioni për riatdhesimin e 13 shqiptarëve nga Siria

Policia e Shtetit ka dhënë detaje në lidhje me riatdhesimin e 13 shqiptarëve nga zonat e konfliktit në Siri. Ditën e djeshme, 4 gra dhe 9 të mitur u kthyen në vend pas finalizimit të operacionit policor të koduar “Extraction 4”.

Ky operacion u zhvillua nga Drejtoria e Antiterrorit në bashkëpunim me homologët kosovarë dhe partnerët amerikanë, ku këta të fundit kanë bërë të mundur identifikimin, gjetjen dhe riatdhesimin e shqiptarëve.

Këta 13 shtetas janë transportuar me avion deri në aeroportin e Prishtinës dhe më pas janë marrë në dorëzim nga Policia shqiptare që i ka transportuar dhe akomoduar në qendrën e pritjes në Shqipëri.

Operacioni, në vijim të 3 operacioneve të mëparshme, u zhvillua në disa kampe famëkeqe si Al-Hawl dhe Roj, si dhe në kampe të tjerë.

Në vitin 2020 u riatdhesuan pesë shqiptarë nga kampi Al-Hol në Siri, mes të cilëve katër fëmijë.

Ndërkohë në nëntor të vitit 2019 u lirua nga kampi Al-Hol në Siri, 11-vjeçari Alvin Berisha, i cili tashmë i është kthyer jetës në Itali pranë familjes së tij.

LEXONI GJITHASHTU

• 4 gra dhe 9 fëmijë riatdhesohen nga Siria