Ambasadori italian: Kosova nuk mund të presë më për liberalizimin e vizave

Ambasadori i Italisë në Prishtinë, Antonello De Riu ka deklaruar se Kosova nuk mund të presë më për liberalizimin e vizave.

Në një intervistë për ANSA, ai është shprehur se Kosova i ka përmbushur kushtet teksa shtoi se përhapja e luftës Ukrainë-Rusi mund të shmanget, nëse perspektiva europiane bëhet e ndjeshme për vendet e Ballkanit Perëndimor.

“Në rastin e Kosovës është e nevojshme të tejkalohet zhgënjimi në rritje i opinionit publik për procesin e integrimit evropian, edhe për shkak të mungesës së liberalizimit të vizave për qytetarët kosovarë, të vetmit në rajon që nuk përfitojnë nga kjo masë, pavarësisht se vendi ka kohë që ka arritur të gjithë parametrat për ta marrë atë”, tha diplomati.

De Riu nënvizoi se Italia mbështet aplikimin e Kosovës për anëtarësim në Këshillin e Europës, duke e cilësuar si legjitime kërkesën e Prishtinës.

LEXONI GJITHASHTU

• Scholz: Do të angazhohem për liberalizimin e vizave me Kosovën
• Osmani e Kurti kërkojnë nga kryeministri grek ndihmë për liberalizimin e vizave