Opozita e Kosovës kritikon Qeverinë për Dialogun me Serbinë

Nënkryetarja e Partisë Demokratike të Kosovës, Vlora Çitaku ka thënë se proçesi i dialogut Kosovë-Serbi ka degraduar dhe se nuk ka transparencë nga ana e qeverisë.

Sipas saj, në rast të dështimit të procesit të dialogut, barrën duhet ta mbartë Serbia dhe në asnjë mënyrë Kosova.

Kujtojmë se dialogu për normalizimin e marrëdhënieve mes Kosovës dhe Serbisë, me ndërmjetësim të Bashkimit Europian, e cila ka nisur në vitin 2011.

Palët kanë arritur dhjetëra marrëveshje, por shumica e tyre nuk kanë gjetur zbatim në terren.

“Kemi një degradim të procesit, në vend që të flasim për njohjen reciproke dhe për marrëveshjen finale ne po flasim për targa, po flasim për ‘stikersa’. Kemi një degradim të proçesit dhe tashmë po thuhet shumë qartë edhe nga aleatët tanë perëndimorë që statusi në këtë proçes shkon në dobi vetëm të Rusisë dhe forcave destruktive në rajonin tonë, prandaj ne kërkojmë nga Qeveria seriozitet të cilin nuk e kemi parë deri më tani, konsistencë të cilën sërish nuk e kemi parë dhe transparencë të cilën sërish nuk e kemi parë, koordinim me faktorin ndërkombëtar në mënyrë që ky proces të përmbyllet sa më shpejtë”, u shpreh Nënkryetarja e PDK-së, Vlora Citaku.

LEXONI GJITHASHTU:

• ‘Më i liri në Europë’, Serbia shpall marrëveshjen 3-vjeçare të gazit me Rusinë
• Haradinaj: Osmani vajton marrëveshjen Serbi-Rusi, hesht për refuzimin ndaj SHBA