Anulohet tenderi për akomodimin e mjekëve turq në Spitalin Memorial

Tenderi për akomodimin e mjekëve dhe infermierëve turq që do shërbejnë në Spitalin Memorial është anuluar.

Shkak për këtë është bërë mungesa e një ofertë të përshtatshme. Ndërsa hoteli fitues duhet të kishte disa kushte, ndër to edhe stafi që të dinte anglisht.

Rreth 300 mijë euro do të harxhojë nga buxheti i tij Spitali Memorial për fjetjen e stafit turk për një periudhë njëvjeçare.

Sipas kontratës së publikuar, maksimumi i personave që do flenë në hotel do të jetë 38.

Përveç akomodimit, stafi turk përfiton një shpërblim mujor nga shteti shqiptar, i cili është trefishi i pagesë së mjekëve dhe infermierëve shqiptarë.

LEXONI GJITHASHTU:

• Spitali Rajonal Momorial i Fierit pret pacientët e parë
• Mjekët turqë në Spitalin e Fierit marrin 3-fishin e rrogës së mjekëve shqiptarë