Bordi i Transparencës rrit me 19 lekë çmimin e naftës brenda një jave

Bordi i Transparencës përcaktoi të mërkurën çmimin e ri të naftës, benzinës dhe gazit.

Çmimi i naftës rritet me 9 lekë 1 nga qershori, ndërsa benzina me 7 lekë. Çmimi i gazit nuk ndryshon.

Nafta do të shitet 248 lekë për litër (nga 239 që ishte), benzina 244 lekë për litër dhe gazi 90 lekë për litër, me pakicë.

Për shitjen me shumicë, nafta do të kushtojë 236 lekë litri, benzina 232 lekë dhe gazi 78 lekë për litër.

Çmimet e caktuara nga Bordi do të hyjnë në fuqi sot më 1 qershor, ora 18.00 dhe do të jenë të vlefshme deri në mbledhjen e ardhshme të bordit.

Të premten, më datë 27 maj, Bordi rriti çmimin e naftës me 10 lekë, duke bërë që nafta të shtrenjtohet me 19 lekë brenda një jave.

LEXONI GJITHASHTU

• Liderat e BE-së bien dakord për embargon ndaj naftës ruse
• Kancelari austriak: Embargoja e naftës do të jetë e dhimbshme për europianët