Turqia dhe OKB ndërmjetësojnë marrëveshjen me Rusinë e Ukrainën për grurin

Turqia dhe OKB-ja kanë arritur të ndërmjetësojnë një marrëveshje me Rusinë dhe Ukrainën për të hapur një korridor përmes të cilit do të lejohet eksporti i grurit që mbetet i bllokuar në Ukrainë dhe në portet e Detit të Zi. Lajmi është bërë me dije nga agjencia e lajmeve Anadolu Agency.

Duke cituar burime diplomatike turke, raportohet  se përpjekjet mund të kulmojnë me nënshkrimin e një lloj marrëveshjeje në Stamboll.

Presidenti turk Rexhep Tajip Erdogan thuhet se më në fund ka arritur  sukses në përpjekjet e tij diplomatike.

Që nga fillimi i luftës, ai ka mbajtur një rol neutral midis Ukrainës dhe Rusisë.

Në Stamboll është planifikuar të krijohet një qendër që rregullon ndërveprimin midis Rusisë dhe Ukrainës me ndërmjetësimin e Turqisë në koordinim me OKB-në.

Në kuadër të kësaj nisme, 20 milionë tonë drithë do të eksportoheshin në tregjet botërore. Megjithatë, të korrat e grurit në Ukrainë pritet të bien me 40 për qind dhe pret të mbledhë pak më shumë se 19 milionë tonë grurë këtë sezon.

Ministri i Jashtëm rus Sergei Lavrov viziton Turqinë më 8 qershor, në një përpjekje për të çuar përpara planet për zhbllokimin e eksporteve të grurit nga Ukraina, të cilat janë penguar nga lufta ruse.

LEXONI GJITHASHTU:

VIDEO | Ushtarët ukrainas festojnë për fitoren e Ukrainës ndaj Skocisë

Rusia akuzon Ukrainën dhe SHBA-të për vrasjen e fëmijëve në Donbas