Gjykata kërkon më shumë hetime për ish-kreun e OFL

Gjykata e Tiranës ka kthyer pas për hetime shtesë, dosjen ndaj ish numrit 2 të Operacionit Forca e Ligjit, Artan Shkëmbi.

Zyrtari i latë i policisë i pezulluar nga detyra dyshohet se nxori informacione për hetimet që po kryheshin për dy shtetas shqiptarë nga autoritetet në Gjermani.

Shkëmbi akuzohet për “shpërdorim detyre”, por kërkesa për marrjen e tij të pandehur nuk është pranuar nga gjykata.

Hetimet për të fillimisht u regjistruan nga SPAK, e cila ngriti edhe dyshimet e korrupsionit akuzë që nuk u provua dhe më pas prokuroria e posaçme shpalli mos kompetencën.

Shkëmbi, i cili mbante edhe detyrën e numrit 2 të Operacionit Forca e Ligjit, ka dekonspiruar një informacion të kërkuar nga një agjenci ligjzbatuese e huaj për një shtetas me precedentë penalë.

Shkëmbi në të kaluarën ka mbajtur edhe detyrën e kreut të Task-Forcës së krijuar kundër krimit, në kohën kur Ministria e Brendshme drejtohej nga Fatmir Xhafaj.

LEXONI GJITHASHTU:

• Gjykata e Tiranës i heq masën e sigurimit “pezullim nga detyra” Artan Shkëmbit
• Bie akuza për korrupsion, çështja e Artan Shkëmbit kalon në Prokurorinë e Tiranës