Ujërat e zeza derdhen në Lanë, pas shiut vërshuan në rrugët e Tiranës

Disa minuta shi dhe Lumi i Lanës doli nga shtrati, të enjten. Mbetjet zënë bregun dhe era është e padurueshme prej ujërave të zeza dhe mbetjeve që derdhen në të.

Këtu rrjedhin ujërat e patrajtuara të qytetit, në ditë me shi si ajo e djeshmja Lumi Lanës del nga shtrati dhe vërshon në rrugët e qytetit, duke shkaktuar ndotje dhe erë të pakëndshme.

Qytetarët ankohen për situatën:

“Dikur lanim rrobat, ka qenë për t’u pirë, tani duket sikur ka naftë.”

“S’kemi çfarë bëjmë, jemi mësuar, era Shqipëri vjen.”

Për ekspertët e mjedisit Lumi i Lanës është kthyer në një Kanal ujërash të zeza.

Raporti i Gjendjes në Mjedis në vitin 2020 tregoi se Uji i Lanës është në gjendje shumë të keqe pasi vlerat e ujit rezultojnë në vlera më të ulëta se normat e lejuara.

Ndër burimet kryesore të ndotjes janë ujërat e zeza, detergjentet larës, ujërat industriale dhe mbetjet e ngurta.

Tirana është i vetmi kryeqytet në rajon që nuk i trajton mbetjet e ujërave të zeza. Vende të tjera përdorin Impiante përpunimi.

LEXONI GJITHASHTU

• 250 pilotë të huaj të Rally Albania garojnë në Pogradec