Shumë prej numrave të institucioneve nuk ekzistojnë, disa nuk përgjigjen

Nëse ju duhet të merrni informacion nga institucione, gjasat janë që numri i vënë në dispozicion të mos funksionojnë.

Provuam të telefonojmë disa prej faqeve që qytetarët kërkojnë më shpesh ndihmë.

Numri i OSHE-së nuk funksionon. Në faqen e Ministrisë së Arsimit nuk del asnjë e dhënë. Në faqen e Ministrisë së Shëndetësisë, 2 nga tre numrat nuk përgjigjen, ndërsa njëri figuron sikur nuk ekziston.

ISHP ishte një tjetër institucion që telefonuam por edhe në këtë rast përgjigja ishte e njëjtë: “numri që ju kërkoni nuk ekziston”.

Megjithatë nëse tentoni disa herë, mund të jeni dhe me fat. Pas disa përpjekjesh Autoriteti Kombëtar i Ushqimit, arritën ta hapni telefonin. Të vetmet institucione që u përgjigjën menjëherë janë Policia dhe shërbimi i urgjencës.

Edhe pse në faqet e institucioneve, çdo gjë duket e kuruar sa i takon kontaktit dhe hapësirave që kanë ngritur për qytetarët, nuk kanë dikë që të përgjigjet në telefon e aq me tepër, në email.

Edhe pse teknologjia ka avancuar, ju prapë do detyroheni të trokisni në dyert e këtyre e instancave.

LEXONI GJITHASHTU:

• Deklaratë tatimore një herë në vit, për individët me pagë mbi 125 mijë lekë