Afrika është ‘peng’ i luftës së Rusisë kundër Ukrainës, thotë Zelenski
Presidenti ukrainas Volodimir Zelenski deklaroi gjatë një fjalimi drejtuar vendeve të Bashkimit Afrikan (AU), se Afrika është ‘peng’ i luftës së Rusisë ndaj vendit të tij.
Pushtimi rus dhe bllokimi i eksporteve të grurit të Ukrainës mund të bëjë që miliona njerëz në botë të vuajnë nga uria, shkruan BBC.
“Afrika është në fakt një peng i atyre që nisën luftën kundër shtetit tonë”, u shpreh Zelenski në fjalimin e tij.
Ai tha se qeveria e tij ishte e angazhuar në negociatat komplekse për të zhbllokuar rezervat e grurit të bllokuara në portet e Detit të Zi të Ukrainës.
“Kjo luftë mund t’ju duket shumë e largët për ju dhe vendet tuaja. Por çmimet e ushqimeve që po rriten në mënyrë katastrofike kanë sjellë tashmë luftën në shtëpitë e miliona familjeve afrikane”, theksoi Zelenski.
Kryetari i komisionit të AU nënvizoi se kishte një nevojë urgjente për dialog për të rivendosur stabilitetin global.
Vendet perëndimore i kanë kërkuar Rusisë të lirojë rezervat e mëdha të drithit në Ukrainë. Bllokada ka rritur çmimet e ushqimeve.
Ndërsa, Shefi i politikës së jashtme të Bashkimit Europian, Josep Borrell tha të hënën se bllokimi i eksporteve ukrainase të grurit nga ana e Rusisë, përbën krim lufte.
Borrell bëri thirrje për zhbllokimin e porteve në jug të Ukrainës.
LEXONI GJITHASHTU
Kryefaqja
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta