Balla-Berishës: SPAK ka nisur procedimin për grabitjen e kompleksit ‘Partizani’

Kryetari i Grupit Parlamentar të Partisë Socialiste, Taulant Balla ka akuzuar kryetarin e Partisë Demokratike, Sali Berisha për grabitjen e truallit në kompleksin ‘Partizani’.

Gjatë fjalës së tij në Kuvend, Bala bëri me dije se Struktura e Posaçme (SPAK) ka filluar procedimin në lidhje me këtë çështje.

Balla paralajmëroi se nesër do të dërgojë të tjera dokumente në SPAK.

“Ky vodhi prona në mes të Tiranës, kompleksin “Partizani”. SPAK-u më ka informuar që e ka regjistruar dosjen, pra ka nisur procedimin dhe nesër do i çoj dokumenta shtesë sesi është vjedhur prona e kompleksit “Partizani”, sesi prona nuk i është kthyer pronarëve të vërtetë”, theksoi ai.

Deputeti socialist tha Berisha është grabitësi më i madh i pronave në vend dhe e konsideron të rëndë faktin se pas 31 vitesh, ai po u kërkon falje ish-pronarëve.

“Po fliste para pak minutash, një grabitës pronash i paimagjinueshëm. Ajo që është më e rënda, pas 31 vitesh ka ardhur dita që ky grabitësi i kërkon ndjesë ish-pronarëve. Ky, që ka njohur pronat e veta nga Viçidoli në bregun e Dhërmiut. Kompensim të pronave të Viçidolit në Dhërmi. E ftoj parafolësin të dalë dhe t’u shpjegojë shqiptarëve, si ka mundësi që ky është pronar tokash te Gjiri i Lalzit?”, u shpreh Balla.

LEXONI GJITHASHTU

• Negociatat, Balla: Bullgaria po mban peng Shqipërinë dhe RMV-në