​Sveçla bën përgjegjës serbët për shpërthimin në veri të Mitrovicës

Ministri i Brendshëm, Xhelal Sveçla ka fajësuar strukturat paralele serbe për sulmin në objektin e elektro-distribucionit, “Elektrokosmet”  në veri të Mitrovicës.

Ministri deklaroi se qëllimi i këtyre sulmeve është të ngjallin pasiguri tek qytetarët, ndërkohë që hetimet vijojnë.

Sveçla tha se nga shpërthimi nuk ka pasur të lënduar, por vetëm dëme materiale.

Një mjet shpërthyes është hedhur të enjten mbrëma rreth orës 22:45 në objektin e elektro-distribucionit “Elektrosemet” në veri të Mitrovicës.

Si pasojë e këtij shpërthimi pati dëmtime në pajisje si dhe  disa automjete të cilat kanë qenë të parkuara afër këtij objekti.

LEXONI GJITHASHTU:

• Sulm me mjet shpërthyes në Kosovë pas marrëveshjes me Serbinë për energjinë