Zgjedhjet në Federatën Botërore të Peshëngritjes për herë të parë në Shqipëri

Shqipëria mirëpret për herë të parë zgjedhjet për President dhe Sekretar të Përgjithshëm të Federatës Botërore të Peshëngritjes, për bordin ekzekutiv dhe të gjithë komisionet teknike.

Ministrja Kushi e cilësoi një vlerësim ceremoninë që do të mbahet për herë të parë në vendin tonë.

Ajo u shpreh se kjo ngjarje vjen në në vazhdën e shumë aktiviteteve të rëndësishme për sportin që janë organizuar në Shqiperi, si Kupa e Botës, Finalja e Conference League, Kompionati Evropian i 100-të i Peshëngritjes dhe vizita për herë të parë në Shqipëri e z. Thomas Bach, President i Komitetit Olimpik Ndërkombëtar.

“Aktivitete me vlera kaq të mëdha për Sportin Shqiptar kontribuojnë edhe në promovimin e Shqipërisë, në zhvillimin e turizmit dhe ekonomisë,” – tha Kushi.

Përveç ministres në ceremoninë e hapjes në Pallatin e Kongreseve ishin prezentë, Presidenti i Federatës Shqiptare të peshëngritje Elez Gjoza, Presidenti i Federatës Botërore të Peshëngritjes Michael Irani, Sekretari i Përgjithshëm i Federatës Botërore të Peshëngritjes Mohammed Hasan Jalood, presidentë dhe sekretarë të përgjithshëm të Federatave Peshëngritjes nga 156 vende të ndryshme të botës, përfaqësues të Federatës Botërore, Evropiane dhe Shqiptare të Peshëngritjes, sportistë dhe trajnerë.