Prodhimet bujqësore në 2021, më shumë perime e drithëra, më pak fasule e ullinj

Kulturat bujqësore ishin të mbara për prodhimin e perimeve dhe drithit, ndërsa fermerët shqiptarë volën më pak fasule e ullinj.

Të dhënat e vitit 2021 flasin për një rritje të përgjithshme të prodhimit, edhe pse bujqësia përballet më vështirësi në zinxhirin e tregut.

Në vitin 2021, në shumicën e kulturave bujqësore prodhimi është rritur në krahasim me vitin 2020. Perimet në arë të hapur dhe në sera, drithërat, pemët frutore, agrumet e rrushi janë rritur me 1 deri në 3.5 %.

Por, ndryshe ka ndodhur me fasulen, ku nga kjo bimë u prodhuan 2 400 tonë, me rënie 13% në krahasim me vitin paraardhës. Tkurrje me 16% ka pasur edhe në kulturën e ullinjve, ku u prodhuan 110 mijë tonë. Zjarret e korrik-gushtit kanë ndikuar te kjo kulturë, pasi 15 mijë pemë u dogjën gjatë muajve korrik-gusht.

Në tërësi për të gjithë sipërfaqen e mbjellë, treguesit e INSTAT flasin sasi prodhimi që tejkalon vitin paraardhës edhe pse bujqësia përballet me largim të fuqisë punëtore dhe mbetet një nga sektorët më të nënvlerësuar.

Në sipërfaqe të përgjithshme, Shqipëria ka 603 mijë hektarë tokë bujqësore, por 30% e saj nuk shfrytëzohet nga fermerët. Fieri mban peshën kryesore të sipërfaqes së mbjellë, ndjekur nga Elbasani dhe Korça.

Zjarret masive të verës së kaluar dogjën vetëm 13 hektarë tokë të punueshme.

LEXONI GJITHASHTU:

• Bujqësia nuk njohu zhvillim gjatë 2021, fermerët të pakënaqur me taksat e reja
• ‘Bujqësia në ditët e saj më të zeza’, deputeti: Ministrja e Bujqësisë s’mban përgjegjësi