Kreu i Dhomës së Avokatisë Korçë: Kush paraqitet në seanca, masë disiplinore

Kryetari i Dhomës së Avokatisë në Korçë, Arben Lena shprehet se në rast se nuk do të ketë një reagim nga ana e shtetit për bojkotin, kjo do të thotë se mungon shteti.

Po ashtu ai shprehet se në rast se do të ketë pjesë nga grupi i avokatëve të Korçës që do të paraqiten në proceset gjyqësore, Dhoma e Avokatisë do të nisë proces disiplinor për ta.

“Ka pasur zëra kundër për teknikalitete, jo për qëllimin e përbashkët ditën e djeshme. Vendimi vjen në sinkron me atë që kemi kërkuar prej dy javësh.  Ka zëra nga shoqata e gjyqtarëve dhe qeverisë që janë kundër nesh  Besoj se do ketë ndërgjegjësim nga ana e shtetit. Në qoftë se ne nuk zbatojmë të drejtat e parashikuara në rezulton për të drejtat e njeriut, le mos e njohin me as avokatinë.  Ne kërkojmë rishikimin e hartës gjyqësore”, është shprehur ai.

Pyetur nga Euronews Albania, në qoftë se ka gjetur mbështetjen e deputetëve të PS në qarkun e Korçës apo vetëm të opozitës, ai deklaroi: “E tashmja do të thotë se avokatët mbështeten në ligjin e avokatisë, ligji për avokatinë ishte pjesa e reformës në drejtësi, nëse është dikush që mendon se mund të ndërhyjë në këtë ligj po e garantoj që do bëjë veprimin me të gabuar, sepse ligji për avokatinë është një ligj që u miratua dhe komisioni i reformës në drejtësi”.

Këshilli i Dhomës Kombëtare të Avokatisë vendosi të mërkurën një bojkot të përgjithshëm pa afat.

Këshilli vendosi bojkot 10 ditor për masat e sigurisë. Ndërkohë për avokatët që thyejnë bojkotin do të merren masa disiplinore.

LEXONI GJITHASHTU:

• Harta e re gjyqësore, avokatët vendosin bojkot të përgjithshëm pa afat