Nuk zbatohet ligji për qeset e holla, nga 1 korriku nisin gjobat për tregtarët

Qeset e holla plastike duhet të hiqeshin nga përdorimi që prej 1 qershorit, por kjo nuk ka ndodhur.

Qeset që lejohen janë vetëm ato të trasha me kapacitet mbi 10 kilogramë. Sipas Ministrisë së Turizmit dhe Mjedisit, të tilla qese mund të përdoren disa herë, por jo të gjithë e praktikojnë.

“Marrim mallin tani, pastaj e përdor për plerat, se të vish prap me këtë qese sikur nuk ka kuptim, të rrish ta ruash qesen sikur nuk ja vlen. Një herë i përdor. Qese për qese nuk ka ndryshim. E përdorim disa herë për pazar. Këtë e marr me vete, e marr në shtëpi dhe kur kthehem marr cantë tjetër”, shprehen qytetarët.

Të tjerë qytetarë po tregohen miqësore me mjedisin dhe po shmangin qeset duke përdorur çantat prej cope apo kartoni.

“Jo nuk përdor fare qese, kam blerë cantë kastile. Iki rehat dhe jam e sigurtë”, shprehen ata.

Çdo person që nuk respekton ligjin e ndalimit të qeseve plastike të holla dënohet me 500 000 (pesëqind mijë lek ) deri në 1 500 000 (një milion e pesëqind mijë) lekë gjobë.

Ky muaj sipas ministrisë së Turizmit dhe Mjedisit ka shërbyer për sensibilizimin e qytetarëve. Por nga 1 korriku do nisin gjobat.

“Ne nuk mund të lejojmë më përdorimin dhe nuk mjafton më vetëm informimi”, deklaroi ministrja Kumbaro.

LEXONI GJITHASHTU

• Nga 1 korriku nis zbatimi i gjobave për shitësit që përdorin qese plastike
• ‘Qeset po i blejmë shtrenjtë’, qytetarët ankohen për vendimin e qeverisë