Nga 1 korriku, rriten pagat e artistëve në TKOB

Abigeila Voshtina u prezantua sot në postin e ri si drejtuese e Teatrit të Operas dhe Baletit.

Në ceremoninë e prezantimit, Ministrja e Kulturës njoftoi se më 1 korrik do të rrriten pagat e punonjësve të TKOB-së.

“Kemi finalizuar të gjithë elementët teknikë dhe burokratikë që kjo administratë nuk do reshtë së pasuri, që është pjesa e rritjes së pagave. Do ta bëjmë me efekt aktiv që nga data 1 korrik, aktin presim ta kalojmë në mbledhjen e ardhshme të qeverisë”, tha Margariti.

Drejtimin e një prej institucioneve më të rëndësishme kulturore, Abigeila Voshtina e quajti një sfidë.

“Do kemi një kalendar të ngjeshur. Kjo është sfida ime përsa i përket nivelit artistik”, u shpreh Voshtina.

Zana Çela e cila e ka drejtuar TKOB-në për dy mandate, mungoi në ceremoninë e dorëzimit të detyrës tek pasuesja e saj.

Voshtina me profesion violiniste, ka mbajtur edhe postin e drejtoreshës artistike për 8 vite në atë institucion.

LEXONI GJITHASHTU

• Abigela Voshtina zgjidhet në krye të Teatrit të Operas dhe Baletit
• 7 kandidatë në garë për TKOB-në, drejtuesi i ri shpallet pas 5 ditëve