Drafti i ri i PD-së, KQZ-në e përzgjedh Kuvendi, parashikohet edhe mekanizëm zhbllokues

Partia Demokratike (PD) ka dërguar një draft të dytë në Këshillin Politik për sa i takon kompozimit të Komisionit Qendror të Zgjedhjeve (KQZ).

PD është tërhequr pjesërisht nga propozimi i parë, duke ia kaluar këtë procedurë Kuvendit e jo më Avokatit të Popullit.

Sipas propozimit të demokratëve, përzgjedhja e kandidatëve do të bëhet sërish nga një komision ad-hoc me përbërje 3 anëtarë nga mazhoranca dhe dy nga opozita, sipas rezultatit të zgjedhjeve të fundit, pra duke lënë jashtë deputetët e opozitës parlamentare.

Krahas kësaj, PD ka futur në ligj edhe mekanizmin zhbllokues në rast se nuk arrihen votat në parlament.

Konkretisht është parashikuar se nëse dështon votimi për zgjedhjen e anëtarëve të KQZ-së së re, atëherë një tjetër listë i dërgohet Kuvendit, ku tani më nuk do të nevojiten 84 vota “pro” saj, por 84 vota “kundër”, një mekanizmën i përdorur edhe në zgjedhjen e anëtarëve të rinj të sistemit të drejtësisë.

Ky draft është dërguar përmes postës elektronike në Këshillin Politik ku tani më do të duhet të rimblidhet tryeza për të mbyllur edhe çështjet e fundit.

Lexoni gjithashtu:

Hajdari duartrokitet për mbështetjen e reformës në drejtësi, replika me Ramën për listat e hapura

Këshilli Politik ndahet për KQZ, Alibeaj: Formula jonë është e ndershme dhe proporcionale

Denar Biba: Propozimi për reformimin e KQZ-së, ‘dezhavu’ në limitet e seriozitetit