Nga sot gjoba për bizneset e vogla që nuk janë fiskalizuar

Duke filluar nga dita e sotme, 1 korrik, bizneset e vogla të cilat nuk janë të fiskalizuara do të gjobiten.

Tatimet do të ndëshkojnë me gjobë të gjithë tatimpaguesit që janë në shkelje. Edhe pse 30 qershori ishte caktuar si afati i fundit, 9 mijë biznese nuk janë fiskalizuar.

Fiskalizimi nisi të zbatohet në janar të vitit të shkuar për kompanitë që presin fatura për institucionet shtetërore.

Ndërsa, në shtator zbatimi i tij u zgjerua edhe për bizneset që shesin për konsumatorët, por qeveria shtyu vendosjen e gjobave deri më 1 korrik të këtij viti.

Zbatimi i këtij procesi do të sjellë një sistem të ri në mënyrën se si raportohen shitjet, të cilat do të regjistrohen në kohë reale dhe do të mundësojnë kontroll më efikas të autoriteteve tatimore në luftën kundër informalitetit.

LEXONI GJITHASHTU

• 30 qershori është afati i fundit për fiskalizimin, thirrja nga Tatimet
• 25 subjekte të bllokuara në Kamëz nga tatimet