Rezoluta e PE-së, Rama: U votua nga aleatët e PD, duhet për politikë

Kryeministri, Edi Rama ka reaguar për amendamentin e miratuar sot nga Parlamenti Evropian në raportin për Shqipërinë. Duke ironizuar cilësimin e amendamentit si kushte të reja për nisjen e negociatave për anëtarësimin e vendin në BE, Rama thotë se, rezoluta është mbështetur nga aleatët e PD në PE dhe nuk ka marrë konsensusin e gjerë.

“Po mirë, kur paska 15 kushte për nisjen formale të negociatave për anëtarësim, për çfarë duhej kjo rezoluta e partive aleate të PD në Parlamentin Evropian që u votua pa konsensus? E pra, nuk ka 15 kushte për uljen në tryezë me BE, sepse 7X7 s’bëjnë 42 në asnjë vend të botës”, ka reaguar kryeministri.

Po mirë, kur paska 15 kushte për nisjen formale të negociatave për anëtarësim, për çfarë duhej kjo rezoluta e partive aleate të PD në Parlamentin Europian që u votua pa konsensus?? E pra, nuk ka 15 kushte për uljen në tryezë me BE, sepse 7X7 s’bëjnë 42 në asnjë vend të botës!

— Edi Rama (@ediramaal) June 19, 2020

“Dhe nëse pastaj kjo 15-ta duhet për politikë e prandaj bashkohen kushtet e fillimit me ato të vijimit, atëherë nuk janë 15 po janë 15X100 kushte më shumë për t’u plotësuar deri ditën e anëtarësimit! Po një gjë është e sigurtë: Këta që kapen pas kësaj 15-ës do mbeten në opozitë”, thotë Rama.