Shpresa tek Scholz, Kurti: Procesi i Berlinit, i nevojshëm për integrimin në BE

Kryeministri i Kosovës Albin Kurti deklaron se zgjidhja për Ballkanin Perëndimor është Bashkimi Evropian dhe se drejt arritjes së këtij qëllimi duhet Procesi i Berlinit.

Teksa mori pjesë në panelin “Evropa juglindore: A mund të ketë stabilitet dhe prosperitet në rajon?”, organizuar nga qeveria e Greqisë, Kuri nënvizoi se ka shpresa të mëdha që Procesi i Berlinit të riniset nga kancelari gjerman, Olaf .

“Unë besoj se me presidentin Biden në Shtëpinë e Bardhë dhe me kancelarin Scholz në Berlin ne mund të ringjallim urën transatlantike, e cila në shekullin 21 është edhe më e rëndësishme sesa në shekullin e 20-të. Procesi i Berlinit 2.0, nëse mund ta quajmë kështu, mund të sjellë një valë që mund t’i shtyjë përpara të gjitha anijet në Ballkanin Perëndimor, kryesisht disa nisma, programe në modeluara sipas EFTA EEA, diçka të ngjashme sikurse Norvegjia, Litenshtajni, Zvicra dhe Islanda kanë me BE-në, komitete dhe këshilla të përbashkët, mekanizma të vëzhgimit, gjykatë të përbashkët me BE-në si vlerë dhe mekanizëm, jo jashtë BE-së”, tha Kurti gjatë diskutimit në këtë panel.

Procesi i Berlinit është një nismë e iniciuar më 2014 nga kancelarja e atëhershme e Gjermanisë, Angela Merkel. Ky proces përqendrohet në lëvizjen e lirë të njerëzve, shërbimeve, mallrave dhe kapitalit.

Procesi përfshin të gjashtë vendet e Ballkanit Perëndimor: Kosovën, Shqipërinë, Serbinë, Malin e Zi, Maqedoninë e Veriut dhe Bosnjë e Hercegovinën.

LEXONI GJITHASHTU:

• Po punojmë për mësimin e gjuhës shqipe në diasporë, thotë Kurti
• Osmani tregon kur mund të ketë takim mes Kurtit dhe Vuçiçit